Përzgjedhësi i Kosovës në futboll, Albert Bunjaku, ka deklaruar se ka futbollistë shqiptarë që ishin në Euro 2016 me kombëtare tjera, që kanë shprehur dëshirën për të luajtur një ditë për Kosovën.
Kosova, që është pranuar në FIFA dhe UEFA dhe po bëhet gati për kualifikimet për Botërorin 2018 që nisin në muajin shtator, është në pritje të një përgjigje nga FIFA se a ka të drejtë të marrë futbollistë që kanë luajtur për kombëtare tjera në ndeshje zyrtare.
Bunjaki për televizionin publik ka deklaruar se ka futbollistë që ishin pjesë e Euro 2016 dhe që kanë shprehur dëshirën për të luajtur për Kosovën.
“Pa emra. Po, ka futbollistë që ishin në Euro 2016 dhe kanë shprehur dëshirën për të luajtur për Kosovën. Jemi në pritje të një përgjigjeje nga FIFA dhe pas përgjigjes do të flasim me emra”, ka thënë Bunjaki.
