03:08, 28 Qershor 2016 690 Shpërndarje
Topi i ndeshjes Rumani-Shqipëri është në shtëpinë e Andi Lilës.
Futbollisti i Kombëtares së Shqipërisë, e ka marrë topin pas përfundimit të sfidës në Lyon, ku kuqezinjtë fituan ndeshjen e parë në histori të niveleve të tilla.
“Ishte korner, e kisha topin unë dhe në ato momente përfundoi ndeshja. E mora topin dhe s’ia dhashë askujt. Më pas mora nënshkrimet e të gjithë lojtarëve, stafit dhe zyrtarëve të FSHF-së në top. Do të jetë një ndër kujtimet më të bukura të karrierës sime”, deklaroi Lila, përcjellë “Lajmi.net”.
Shqipëria mundi Rumaninë 1:0 falë golit të Armando Sadikut.
