Misioni i OSBE-së së bashku me Policinë e Kosovës do të mbajnë konferencë dy ditore për parandalimin e ekstremizmit të dhunshëm dhe radikalizmit.
Konferenca do t’i bashkojë përfaqësuesit e agjencive të zbatimit të ligjit, bashkësitë fetare, shoqërinë civile dhe mediat, ku do të shqyrtohen qasjet multidisiplinare në adresimin e kërcënimeve të ekstremizmit të dhunshëm dhe radikalizmit në Kosovë.
Sipas një njoftimi të OSBE-së, pjesëmarrësit do të shtjellojnë edhe masat e ndërmarra deri më tani për parandalimin e ekstremizmit të dhunshëm dhe radikalizmit, si dhe sfidat me të cilat ballafaqohen ata.
“Majori Fatos Makolli, drejtor i drejtorisë kundër terrorizmit pranë Policisë së Kosovës dhe Naim Hoxha, këshilltar për Krim të Organizuar pranë Misionit të OSBE-së në Kosovë, do t’i paraqesin fjalët hyrëse”, thuhet në njoftim.
