Fatmir Limaj dhe Haxhi Shala janë politikanët e parë që e kanë vizituar në Qendrën Klinike Universitare të Kosovës, ish boksierin me renome botërore Aziz Salihu.
Fituesi i medaljes se bronztë në Lojërat olimpike të Los Angjelosit po qëndron i shtrirë tash e tri javë në Klinikën Infektive pas një sulmi në pankreas dhe mëlçi. Ndonëse, ka dhënë shumë për sportin, institucionet nuk kanë treguar ndonjë interesim për gjendjen e tij aktuale.
Kryetari i Nismës për Kosovës, Fatmir Limaj, thotë ta ketë marrë më shqetësim lajmin për shtrirjen e Aziz Salihut në spital. Ai thotë se shqiptarët janë rritur me emrin dhe sukseset e tij.
I pari i Nismës për Kosovën, ka apeluar që institucionet të mos vrapojnë vetëm kur sportistët fitojnë medalje, por t’u qëndrojnë afër edhe atëherë kur ata kanë nevojë për mbështetje.