Ish-presidenti i Kosovës, Behgjet Pacolli ka vazhduar të kritikojnë Qeverinë e Kosovës. Ai përmes një statusi në Facebook ka thënë se qeverisja aktuale është duke punuar vetëm për rehatimin e sponsorëve,
familjarëve e klaneve të tyre, në mënyrë parazitë e në kurriz të qytetarëve.
Pacolli duke postuar edhe disa fotografi në statusin e tij ka thënë se Qeveria po e shkatërron ambientin.
Ky është statusi i plotë i Pacollit në Facebook:
Jo rastësisht që disa muaj jam duke thënë se kjo qeveri është neglizhente dhe me këtë neglizhencë po shkatërrohet ambienti i Kosovës.
Kam frigë se natyra do të na hakmirrët. Shkatërrohen male, (nuk ka maje mali që nuk është shkatërruar nga gurthyeset), shkatërrohën lumejtë e shkatërrohen rrugët, vdesin njerëz nëpër humnerat e eksploatuesve të egër e shkatërrohët cdo gjë, shkatërrohët ekonomia e vendit.
Askush nuk e ka ndërmend ti parandalojë këto shkatërrim. Çfarë papërgjegjësije! Këta njerëz deri më tash merren vetëm me rehatimin e sponsorëve, familjarëve e klaneve të tyre, në mënyrë parazite e në kurriz të qytetarëve.
