Janë disa gjëra të cilat është më mirë t’i mbani për vete. T’ua tregosh ato të tjerëve – pa marrë parasysh se sa shumë dëshironi – nuk do t’ju sjellë asgjë të mirë.
Këto janë gjërat më të rëndësishme të cilat mendojmë se duhet t’i mbani gjithmonë sekret.
1. Mos i zbuloni planet tuaja ambicioze
Qëndroni të heshtur për planet tuaja derisa t’ia dilni që t’i realizoni ato. Shanset janë që dikush mund t’ua merr ato veç e veç mjaft lehtë, sa që ju të mbetni të dëshpëruar madje edhe për t’u përpjekur për t’i rimarrë ato.
2. Mos tregoni qëllimisht për një punë bamirëse që e keni bërë
Virtyti më i madh në jetë është të bësh diçka të mirë, pa shpresën për t’u mburrur për të. Lëvdatat për gjëra të tilla shpejtë mund t’ju dërgojnë në arrogancë, shkruan Gazeta Express.
3. Kurrë mos ia tregoni konfliktet ose problemet në jetën tuaj familjare të tjerëve
Gjithmonë mbajeni në mend: sa më pak që i zbuloni këto sekrete për familjen tuaj tek të tjerët, aq më e fuqishme ajo do të jetë. Këto gjëra mund të zgjidhen vetëm në shtëpinë tuaj, në privatësi totale, në mes të më të dashurve tuaj. Sa më shumë që ankoheni tek të tjerët për ta, aq më e vështirë do të bëhet.
4. Mos flisni për të gjitha gjërat e pakëndshme që i keni dëgjuar njerëzit duke i thënë ose duke i bërë
Siç është e mundur që t’i ndotni rrobat, ashtu mund ta ndotni edhe mendjen. Dhe personi që i tregon menjëherë të gjitha budallaqet dhe gjërat e pakëndshme që i ka dëgjuar sapo të shkojë në shtëpi, nuk ndryshon nga ai që harron t’i heqë këpucët e tij kur hyn në shtëpi.
