Minutat e fundit apo koha shtesë është koha e golave në këtë Kampionat Evropian. Plot shtatë ndeshje nga 21 të luajtura, janë vendosur nga golat në minutat e fundit të takimit.
Skuadra që ka përfituar më tepër nga kjo statistikë e veçantë e Euro 2016 ka qenë shteti nikoqir, Franca, pasi që fituan ndeshjen hapëse 2:1 me Rumaninë, falë golit të Payet në minutën e 89-të, fituan edhe ndaj Shqipërisë, ku shënuan një herë në të 90-tën dhe një në minutë e 96-të.
Edhe skuadra e Anglisë është pjesë e golave në minutën e fundit, pasi në ndeshjen e parë me Rusinë, pranoi gol në minutën e 92-të, por në ndeshje me Uellsin ishin po anglezët që shënuan poashtu në minutën e 92-të me anë të Sturridge.
Mbrojtësi i Barcelonës, Pique shpëtoi Spanjën në ndeshjen hapëse kundër Republikës Çeke në minutën e 87-të, ndërsa çekët arritën të barazonin 2:2 kundër Kroacisë në kohën shtesë.
Sulmuesi i Interi, Eder, i dhuroi kualifikimin Italisë me golin e minutës së 88-të, në sfidën ku azurët mposhtën 1:0 Suedinë.
Gola në sekondat finale janë shënuar edhe në gjashtë ndeshje të tjera, por që nuk kanë ndikuar për të përcaktuar fituesin, vetëm se shërbyen për golavarazhin e skuadrave.
