Ferid Agani kërkon nga kryeministri ta lirojë nga detyra e ministrit

Ministri i Mjedisit dhe Planifikimit Hapësinor, Ferid Agani ka kërkuar nga Kryeministri Isa Mustafa ta lirojë nga detyra deri në momentin e shpalljes së pafajësisë së plotë, transmeton Koha.net.

Lexo edhe: Skandaloze: Në mesin e të akuzuarve të rastit “Stenta”, edhe ministri Ferid Agani dhe sekretari i Ministrisë së Shëndetësisë, Gani Shabani

Në vijim mund ta lexoni letrën e plotë të Ministrit Agani dërguar Kryeministrit Mustafa.

“I nderuari z. Kryeministër,

Duke pas parasysh ngritjen e aktakuzës nga Prokuroria e Shtetit ndaj meje;

I bindur në pafajësinë time të plotë përkitazi me çështjen që është subjekt i aktakuzës;

Në pajtim me parimin e qeverisjes së pastër pa asnjë dyshim në bartësit e funksioneve publike; dhe

I përkushtuar që drejtësia të kryej punën e saj në mënyrë të papenguar,

Kërkoj nga Ju që të më lironi nga detyra e Ministrit të Mjedisit dhe Planifikimit Hapësinor deri në momentin e shpalljes së pafajësisë sime të plotë”.