Zëvendësministri i Administrimit dhe Pushtetit Lokal, Bajram Gecaj i cili njëherësh është edhe këshilltarë i kryeministrit Isa Mustafa, i është kundërpërgjigjur Kryetari të Prishtinës, Shpend Ahmetit, i cili e ka ftuar Kryeministrin në një debat televiziv.
Gecaj pëmres një postimi në Facebook ka shkruar se Ahmeti mund të ballafaqohet vetëm me qytetarët e Prishtinës dhe me hallet e tyre.
Këshilltari i Mustafës ka thënë se Shpend Ahmeti nuk është për asnjë qytet e lere më për Prishtinën.
Postimi i plotë:
MOSPUNA NUK ARSYETOHET ME DEBATE
Para se të ballafaqohet në një spektakël televiziv me Kryeministrin Mustafa, Kryetari i Komunës së Prishtinës Shpend Ahmeti duhet të ballafaqohet me qytetarët e Prishtinës, me hallet e tyre dhe me problemet e përditshme. Por ai ka hall tjetër. Ai do një spektakël televiziv, as më pak as më shumë se me Kryeministrin aktual të Kosovës, ku me shumë fjalë e hiç punë dëshiron ta mbuloj mos punën e deri tashme.
Janë dy karakteristika të cilat e dallojnë qeverisjen lokale të Ahmetit deri më tani. E para është marrja me probleme “të mëdha gjeopolitike”, aspak të ndërlidhura me punën dhe kompetencat e tij, dhe e dyta janë kunxhat (kunjat) e ngulur gjithandej nëpër Prishtinë. Po të matet suksesi i Ahmetit me përmasën e të parës dhe me numrat e të dytës do të ishte kryetar model për një qytet. Por kështu si është ai nuk është për asnjë qytet e lere më për Prishtinën.
