Bashkimi Demokratik “shkrihet” në NISMA për Kosovën

Sot, në selinë e NISMA për Kosovën është nënshkruar marrëveshja e bashkimit të partisë politike, Bashkimi Demokratik, me kryetar, Zafir Berisha, në NISMA për Kosovën.

Sot, në selinë e NISMA për Kosovën është nënshkruar marrëveshja e bashkimit të partisë politike, Bashkimi Demokratik, me kryetar, Zafir Berisha, në NISMA për Kosovën.

Sipas një njoftimi të NISMA-s, nga sot e tutje, të gjitha strukturat e partisë politike, Bashkimi Demokratik, do të veprojnë në kuadër të strukturave të NISMA për Kosovën.

“Kryetari i NISMA për Kosovën, Fatmir Limaj, ka falënderuar kryetarin e Bashkimit Demokratik, Zafir Berisha, për bashkëpunimin e mirë gjatë këtyre viteve, duke thënë se ky bashkim është krejt i natyrshëm, sepse deri më sot nuk na ka ndarë asgjë, e na ka bashkuar çdo gjë. Kryetari Limaj, gjatë konferencës për medie tha se, nga sot Bashkimi Demokratik po i bashkohet Nismës për Kosovën. Të gjitha strukturat tona tani do të punojnë së bashku në projektin tonë të përbashkët, NISMA për Kosovën, si parti socialdemokrate, që ka objektiva të qarta, të fuqizimit dhe të arritjes se qëllimit tonë, që është implementimi i platformës dhe programit tonë politik”, thuhet në njoftim.

“Ndërsa, deputeti Zafir Berisha, tha se neve na duhet fuqizim politik, e ky fuqizim, më i mundshëm ka qenë me Nismën për Kosovën”, shtohet më tej në njoftim.

“Tani e tutje ne do të vazhdojmë angazhimin tonë edhe më fuqishëm, të ia kthejmë dinjitetin, jo vetëm Prizrenit por gjithë vendit”, citohet të ketë thënë deputeti Zafir Berisha. /Telegrafi/

Temat
LajmeVend

Të afërta