Shqipëria merr pjesë për herë të parë në një Kampionat Europian dhe për këtë fakt ka marr edhe vëmendjen e mediave më të rëndësishme sportive në Europë.
“Gazzetta dello Sport” ka bërë një analizë të vlerës monetare të kartonëve të futbollistëve të Shqipërisë. 44.2 milionë euro vlejnë kartonët e lojtarëve kuqezi, të paktën sipas të përditshmes italiane, e cila bën një krahasim me mesfushorin francez Pogba, ku thuhet se vetëm ky lojtar vlen gati dyfishin e kësaj vlere.
Në këtë analizë, lojtari me vlerën më të lartë te Shqipëria është mbrojtësi i Napolit, Elseid Hysaj, i cili vlerësohet me 9 milionë euro, ndërsa Ansi Agolli ka vlerën më të ulët të kartonit, me vetëm 300 mijë euro, sipas “transfermarkt”, që i është referuar media italiane, transmeton TCH.
Megjithatë, kombëtarja shqiptare do të provojë të bëjë surprizën në Francë pavarësisht vlerës së ulët të kartonëve të lojtarëve. Kujtojmë që po këta lojtarë ishin që e kualifikuan Shqipërinë në Euro 2016 dhe atëherë vlerësoheshin edhe më pak e u përballët si të barabartë me ekipe si Portugalia e Danimarka me lojtarë shumë herë më të shtrenjtë e në fund ja dolën.
Kjo është vlera e lojtarëve të Kombëtares:
Portier: Etrit Berisha 4mln €.
Mbrojtës: Elseid Hysaj 9 mln €, Lorik Cana 1 mln €, Mërgim Mavraj 1.6 mln €, Ansi Agolli 300 mijë €, Frederic Veseli 800 mijë €, Arlind Ajeti 1 mln €, Berat Gjimshiti 1 mln €, Naser Aliji 700 mijë €.
Mesfushorë: Burim Kukeli 500 mijë €, Taulant Xhaka 4 mln €, Ledian Memushaj 1.4 mln €, Amir Abrashi 2.25 mln €, Migjen Basha 800 mijë €, Ergys Kaçe 3 mln €, Andi Lila 700 mijë €, Ermir Lenjani 1 mln €.
Sulmues: Shkëlzen Gashi 2.75 mln €, Odise Roshi 450 mijë €, Milot Rashica 2 mln €, Sokol Cikalleshi 2.3 mln €, Armando Sadiku 750 mijë €, Bekim Balaj 2 mln €, Rei Manaj 1 mln €.
