Presidenti i Serbisë, Tomislav Nikoliq deklaroi sot se kishte mandatuar Aleksandar Vuçiqin, i cili drejtoi koalicionin elektoral “Serbia drejt fitores”, për formimin e qeverisë së re, pasi ky i fundit e bindi presidentin për zotërimin e maxhorancës së kërkuar parlamentare.
”Vuçiq ishte i vetmi që paraqiti një program lidhur me faktin sesi e konceptonte qeverinë dhe prioritetet që ajo duhej të përmbushte”, deklaroi Nikoliq, pas konsultimeve me përfaqësuesit e kësaj liste elektorale.
“Çdokush e dinte se Partia Progresive Serbe e Vuçiqit fitoi më shumë vende në parlament dhe rezervon të drejtën të kërkojë mandatin për formimin e qeverisë”, theksoi Nikoliq.
”Kjo qeveri do të përballet me shumë sfida, përfshirë situatën në BE, krizën e migrantëve, rritjen e partive të ekstremit të djathtë në të gjithë Evropën”, vijoi ai. /Tanjug/
Lexoni edhe: Vuçiq mund ta ndryshojë Kushtetutën Serbe për Kosovën
