Silvio Berlusconi u ka dhënë një mesazh lojtarëve para nisjes drejt Romës, ku do të zhvillohet finalja e Kupës së Italisë.
Numri një i Milanit, Silvio Berlusconi, ua ka bërë të çartë lojtarëve se vetëm fitimi i Kupës së Italisë ndaj Juventusit, do të bënte që të fillonte një epokë e re për shtatë herë Kampionët e Evropës, që po kalojnë nëpër një periudhë tejet të vështirë viteve të fundit.
“Fitimi i Kupës së Italisë do t’i japë një kuptim sezonit të ri. Ju duhet të jepni gjithçka. Ai duhet të jetë rezultat i rëndësishëm për ju dhe për Milanin për të fituar kualifikimin direkt në Evropë dhe trofeun e 29’të në 30 vjet”, besohet t’u ketë thënë lojtarëve Berlusconi në Milanello.
Tashmë skuadra e Milanit ka mbërritur në Romë ku nesër do të kryejnë stërvitjen e fundit para finales të së shtunës. /Express/
