Jevtic: Personat e zhvendosur nuk janë numëra matematikorë

Si vazhdimësi e iniciativës rajonale të filluar në Shkup me iniciativën e Ministrit për Komunitete dhe Kthim Dalibor Jevtic, dhe nën organizimin e OSBE-së dhe UNHCR-it në Prishtinë sot është mbajtur takimi Grupit Teknik Punues për zgjidhje të qëndrueshme persona të zhvendosur nga Kosova. Ministri për Komunitete dhe Kthim, Dalibor Jevtic, mori pjesë në takim në të cilin tema kryesore ishte forcimi i procedurave të menaxhimit të të dhënave.

Jevtic në fillim , falënderoi të gjithë pjesëmarrësit në takimin e sotëm , ka thënë se Ministria për Komunitete dhe Kthim me kënaqësi po merr pjesë me kapacitet të plotë në këtë proces, ashtu që në një mënyrë cilësore të zgjidhet statusi i personave të zhvendosur dhe theksoi se në dy ditët e ardhshme do të diskutohet për tema shumë të rëndësishme.

“Njerëzit e zhvendosur nuk janë numër matematikor. Pas 17 vjetësh në zhvendosje, ne jemi të vetëdijshëm se ata janë të lodhur për të qenë pjesë e analizave të njerëzve të tjerë. Pjesë e të dhënave të ndryshme. Ndonjëherë është e nevojshme për të lehtësuar aktivitetet e ndryshme humanitare dhe të zhvillimit në secilin rajon . Unë besoj se ne mund të arrijmë shumë më shumë me vlerësime të përbashkëta . Kthimi i personave të zhvendosur në Kosovë është për ne zgjidhja më e dëshirueshme, ndërsa integrimi në vend është qështje shumë komplekse, dhe e ndjeshme, por gjithashtu edhe e drejtë që mund të shfrytëzohet nga të gjithë personat e zhvendosur. Dëshira e tyre për ne është më e rëndësishme dhe kjo është ajo që të gjithë gjithherë do ta kenë përparësi kryesore “, tha ministri Jevtic në fjalën e tij të hapjes.

Ministri tha gjithashtu se e gjitha që është dakorduar duhet të zbatohet sa më shpejt të jetë e mundur, në mënyrë që çështja kthimit të zgjithet në një mënyrë më të mirë.

” Qëllimi i conferences së sotme dhe të nesërme është që konkretisht të adresojmë çështjen e të dhënave, dmth. Mbledhjen e informacionit që ne kemi nevojë për të zgjidhur problemet në njërën anë, dhe në anën tjetër sigurisht është zgjidhja e qëndrueshme që do të ndihmojë të përcaktojë nevojat e të gjithëve që janë në proces të adresimit financiar, çështjet e refugjatëve dhe personave të zhvendosur brenda vendit. Mendoj se rekomandimet dhe masat e miratuara në grupet e mëparshme punuese teknike do të ndihmojnë për të zgjidhur çështjen e kthimit në një mënyrë më të mirë. Unë edhe një herë dua të theksoj se qëllimi ynë përfundimtar është kthimi i të gjithë personave të zhvendosur që dëshirojnë të kthehen në Kosovë dhe atë sa më shpejt të jetë e mundur “, tha ministri Jevtic.

Ai theksoi se është veçanërisht e rëndësishme të theksohet se të gjitha masat e sotme, dhe të gjitha masat që janë miratuar në grupet e mëparshme punuese teknike duhet të jenë përgjegjësi e gjithë qeverive pjesëmarrëse të procesit rajonal , dhe se ai beson se qeveritë në rajon do të zbatojnë këto masa. Masat e adoptuara do të vihen për miratim në Komisionin Ndërministror për Kthim i cili do të takohet në ditët në vijim.

Ministri falënderoi UNHCR dhe OSBE-në, të cilët përveç ministries të kryesuar nga i , vazhdojnë të japin kontribut në nismën rajonale, dhe të gjithë partnerët ndërkombëtarë për përkushtimin e tyre kur bëhet fjalë për këtë proces.

Takimi i sotëm u ndoq nga përfaqësuesit e Qeverisë së Serbisë, Malit të Zi dhe Maqedonisë, përfaqësuesit e DRC-së, IOM-it dhe institucioneve tjera relevante dhe organizatat.

Vazhdimi i nismës rajonale planifikohet në një seancë të nivelit të lartë politik që do të mbahet gjatë muajit qershor në Beograd.

Temat
LajmeVend

Të afërta