Gazetari dhe drejtuesi i emisionit “Opinion” Blendi Fevziu, në një opinion të sotëm mbi debatin e këtyre ditëve për pajisjen përgjuese ka dhënë disa detaje të reja duke iu referuar burimeve nga shërbimet të inteligjencës shqiptare.
Sipas Fevziut duke iu referuar burimeve pajisja përgjuese është futur në Shqipëri mëngjesin e datës 12 mars 2016, nga porti i Durrësit, në bagazhin e makine BMW me targa italiane.
“Pajisja është një pajisje e sofistikuar izrealite e modelit IMSI-Catcher, e cila shërben si për identifikimin e numrave telefonikë në një distancë të madhe, ashtu edhe për dekriptimin e bisedave të kriptuara si Viber dhe Whatsaap. Pajisja luan rolin e një antene të telefonisë celulare fallco dhe klonon në moment numrin i cili do të përgjohet. Që nga ky moment, çdo bisedë audio dhe çdo sms shkon si tek numri ku është nisur ashtu edhe në numrin e klonuar që ndodhet në këtë pajisje.
Sipas një kërkimi në internet, pajisja mund të shërbejë për të bllokuar numra të caktuar, për t’i nxjerrë ata jashtë shërbimi, ose për të zhurmuar telefonatat. Me një soft më të përparuar, IMSI, mund të hapë dhe të lexojë bisedat e kriptuara të platformave të ndryshme, por kjo ka një kosto shumë të lartë. Në një rrethanë tjetër, ajo mund ta kthejë telefonin e përgjuar në një mikrofon për përgjim ambiental, ose përmes instalimit të padukshëm të një programi, mund të marrë të gjitha datat që ai ka, pra fotot apo testet dhe dokumentat që diksuh ruan në telefon. Pajisja kushton rreth 1 milion usd por programet e saj kanë kosto shtesë”, ka shkruar veç tjerash Fevziu.
Fevziu dyshon duke hedhur dhe nje pyetje se përse policia heshti më shumë se 48 orë dhe e pranoi ekzistencën e saj me aq vonesë. Por kjo mbetet të shihet nga hetimi. Nëse gjithçka është kaq e thjeshtë sa thuhet, apo pas saj ka operacione ilegale që mund të ktheheshin në një skandal politik.
“Opinion.al ka informacione se variante më minore të së njëjtës pajisje, disponohen edhe privatisht në Shqipëri. Gjë që është krejtësisht e paligjshme dhe problematike. Por edhe kjo mbetët për t’u vërtetuar”, ka përfunduar ai.
