Lideri i AAK-së Ramush Haradinaj ka shpjeguar se cili është qëllimi i protestës së thirrur për të shtunën nga AAK dhe NISMA dhe cilat janë pritjet nga kjo protestë, duke ia bërë me dije presidentit Hashim Thaçi dhe kryeministrit Isa Mustafa, se nuk e kanë kryer punën dhe se duhet të tërhiqen nga dy marrëveshjet.
“Kam një mospajtim me gjendjen në vend, qëllimi është kundërshtimi. Ne me anë të protestës i themi Mustafës dhe Thaçit mos mendoni se e keni kry punën, duhet të tërhiqeni nga marrveshjet për demarkacionin dhe asosacionin ose së paku të ridiskutojmë marrëveshjet”, tha Haradinaj në emisionin Click të Televizionit 21, duke shtuar se edhe ridiskutimi do të ishte zgjidhje.
“Keta e kanë në dorë me korigju marrveshjne me demorakcionin pasi ata janë shprehur të gatshem ta rishikojnë dhe këta duhet ta rishikojnë” tha Haradinaj lidhur me kushtin e ratifikimit të
kufirimi me Malin e Zi për liberalizimin e vizave.
Haradinaj u shpreh i bindur se protesta do të jetë masive.
I pyetur se a është e shtuna vetëm filimi i një varg protestash apo do të jetë protesta e fundit, Haradinaj tha se ‘gjithçka varet nga ata që e kanë kap shtetin’.
“Jemi të gatshëm me një rrugëtim deri në kthimin e një situate të re në vend, një përmirësim”, ka shtuar ai.
