Plas grushti në skenë gjatë seancës së peshimit mes dy boksierëve që do të luftojnë me njëri-tjetrin për titullin kampion të Evropës.
Bëhet fjalë për boksierët Dereck Chisora dhe rivalit të tij Kubrat Pylev, të cilët po përgatiteshin për ndeshjen mes tyre gjatë mbrëmjes së sotme.
Menjëherë pas dy boksierët ishin peshuar dhe duhej të viheshin ballë përballë njeri-tjetrit për fotot e gazetarëve, një nga anëtarët e stafit të Pulev e goditi me grusht boksierin me ngjyrë. Kaq mjaftoi që në sallë të shpërthente sherri, ndërkohë që gjithçka po filmohej “live” nga kamerat e pranishme.
Por sherri mes dy boksierëve nuk është i pari. Që në konferencën për shtyp palët ishin përplasur deri edhe me grushte ku shkaktar ishte Chisora dhe ko përplasje tani mund të quhej si një hakmarrje nga stafi i Pulev.
Kjo atmosferë e ndezur premton se do të kemi një ndeshje të ashpër gjatë natës së sotme në Hamburg.
Një incident i ngjashëm ka ndodhur edhe në 2012, kur “Del Boy” (siç i thërrasin Chisoras) goditi me shuplakë Vitali Klitschkon, pikërisht në momentin kur po peshoheshin, por në fund e humbi ndeshjen. Ndërsa u zu me David Haye në një tjetër konferencë për shtyp.
