Claudio Ranieri i shtoi një tjetër epitet vetes në konferencën e fundit për shtyp që trajneri i skuadrës surprizë të këtij sezoni në futbollin europian, kishte programuar për mediat.
Tekniku italian e cilësoi veten si “Mendimtari” ndërsa reflektoi në ngjitjen e pabesueshme të Leicester Cityt, nga një ekip që kërkonte të siguronte mbijetesën, në atë që u shpall kampion i Anglisë pa u mbyllur kalendari.
64-vjeçari iu rezervuan duartrokitje nga gazetarët dhe shampanjë në sallën e konferencave, aty ku Ranieri shpjegoi se do të mbajë yjet që sollën titullin e parë në “King Power Stadium”.
Duke rrufitur një gotë shampanjë dhe në një atmosferë festive aty ku gjithmonë mbizotëron tensioni, italiani tha se kishte parandjerë diçka speciale që në javët e para.
“Të fitosh titullin e Premier Ligës është diçka speciale dhe nëse kjo ndodh me Leicester, atëherë shkon në kufijtë e të pabesueshmes. Mund të më quani tashmë ‘Mendimtari’ që drejtoj këta futbollistë fantastikë. Sezonin tjetër ndoshta do të sjellim lojtarë të rinj por ata duhet të kenë shpirtin e njëjtë me lojtarët që na sollën titullin”, tha ish-trajneri i Napolit, Fiorentinës, Atletico Madrid, Chelseat, Romës dhe Monacos.
Ranieri konfirmoi gjithashtu që të shtunën kur Leicester të marrë titullin në duar, do të ketë një dedikim special direkt në stadium nga tenori Andrea Boceli.
Claudio RanieriLe
