Në seancën e nesërme të Kuvendit të Republikës së Kosovës do të marrin pjesë edhe deputetët e Lëvizjes Vetëvendosje, ku do të pritet Federica Mogherini, shefja për politikë të Jashtme e Bashkimit Evropian.
Këtë e ka konfirmuar për Telegrafin, zëdhënësi i Lëvizjes Vetëvendosje, Frashër Krasniqi.
Sipas tij, deputetët e VV-së do të marrin pjesë në këtë seancë solemne.
Komisioni i Bashkimit Evropian, ka dhënë të mërkurën rekomandimin për Liberalizimin e Vizave për qytetarët e Kosovës në mënyrë që ata të udhëtojnë të lirë në zonën e Shëngenit.
Gjithashtu pritet që Dimitris Avramopoulos, nesër të vizitojë Kosovën.
Ndryshe, shefja për politikë të jashtme e Bashkimit Evropian, Federica Mogherini, ka uruar kosovarët për rekomandimin rreth heqjes së vizave.
