Atlanta triumfon dhe eliminon Bostonin (Video)

Atlanta Hawks ka shënuar një fitore tejet të rëndësishme në përballje me Boston Celtics.

Atlanta Hawks ka shënuar një fitore tejet të rëndësishme në përballje me Boston Celtics.

Hawks kanë shënuar fitoren e katërt në ‘Play-Off’, në përballje me Bostonin dhe kështu me katër fitore dhe dy humbje kanë kaluar tutje në gjysmëfinalen e konferencës lindore.

Bardh e kuqtë kanë triumfuar me 12 pikë epërsi ku në fund rezultati përfundimtar ishte 104:92.

Edhe pse ishin mysafirë, Hawks ishin superiorë në tre çerekët e parë të ndeshjes, duke i mbyllur ata me epërsi 17:20, 16:21 dhe 26:39, ndërsa në çerekun e fundit triumfoi Boston 33:24 por që ishte e pamjaftueshme për të kaluar tutje.

Më meritorët për këtë fitore të Atlantës ishin Paul Millsap me 17 pikë, Al Horford me 15, Kent Bazemore me 14 si dhe Jeff Teague me 11 pikë të tjera.

Tek Boston më efikasi ishte Isiah Thomas me 25 pikë e 10 asistime por të pa mjaftueshme për t’i siguruar fitoren skuadrës së tij që kishte mungesa me lëndime.

Në gjysmëfinale të konferencës lindore, Hawks do të përballen me skuadrën e LeBron James, Cleveland Cavaliers. /Telegrafi/

Temat
BotëSport

Të afërta