Ishte dita më e rëndësishme në jetën e saj. Atifete Jahjaga ishte me profesion police deri atë natë.
Por të nesërmen ajo u bë presidente. Këtë nuk e besonte askush. As ajo vetë. Atifete Jahjaga u bë gati të shkojë në punë si zv.drejtoreshë e Policisë pa e pasur të qartë nëse do të arrijë të bëhet presidente atë ditë.
Duke i ditur më herët se sa të tjerët se si do zhvillohen ngjarjet, një ekip i gazetarëve shkuan tek banesa në Breg të Diellit, ku jetonte me qira Jahjaga.
Klan Kosova, siç do ta shihni në këtë video, e përcolli presidenten e ardhshme të Kosovës nga momenti kur ajo doli nga banesa si police e derisa u bë presidente e Kosovës.
