Presidenti amerikan, Donald Trump ka deklaruar se nuk hedh poshtë mundësinë e opsionit ushtarak për Venezuelën, si përgjigje ndaj eskalimit të situatës politike në këtë vend.
“Kemi shumë opsione për Venezuelën, përfshirë edhe opsionin potencial ushtarak nëse do të ishte e nevojshme. Kemi trupa në gjithë botën dhe në vendet, të cilat janë në largësi. Venezuela nuk është aq larg dhe njerëzit atje po vuajnë dhe po vdesin”, u ka thënë Trump mediave në Nju Xhersi.
Ai po ashtu ka folur edhe situatës në Korenë Veriore, duke thënë se do të bisedojë me homologun e tij kinez Xi Jungping.
“Shpresoj se do të zgjidhim të gjitha”, tha Trump në kampin e tij të golfit në Nju Xhersi.
Nga ana tjetër, zyrtarë të Venezuelës paralajmërimet e Trump për aksion ushtarak kundër këtij vendi i kanë quajtur “akt të çmendurisë dhe ekstremizmit”.
