22:45, 21 Korrik 2017 260 Shpërndarje
Drejtuesit e Juventusit janë shumë aktiv në javën e fundit sa u përket transferimeve të lojtarëve
Kampioni i Serie A, Juventusi dëshiron të përforcojë mesfushën duke transferuar Emre Canin nga Liverpooli, shkruan Gianluca Di Marzio.
Kontrata e përfaqësuesit të Gjermanisë skadon në fund të sezonit, dhe Juventusi dëshiron ta shfrytëzojë këtë situatë.
Kampioni italian ka gati 25 milionë euro për transferimin e gjermanit, mirëpo Liverpooli nuk pritet të pranojë këtë ofertë, pasi Can është në planet e Jurgen Kloppit.
Kampioni i Italisë deri më tani ka transferuar Wojciech Szczęsny (Arsenal), Douglas Costa (Bayern Munich), Rodrigo Bentancur (Boca Juniors) Mattia De Sciglio (Milan) dhe është shumë afër Federico Bernardeschit (Fiorentina). /Express/
