Apple zakonisht i mban fshehtë detajet e produkteve të ardhshme, duke mos shpërndarë pothuajse kurrë asnjë informacion para lansimit zyrtar.
Por falë furnizuesve të Apple, ne tashmë i dimë dy veçori kyçe që do t’i ketë ky celular i ri: mbushja me Wireless dhe një kamerë 3D për selfie e cila mundëson që ta hapni celularin me fytyrën tuaj.
Furnizuesi i Apple – Wistron – e përmendi të mërkurën gjatë një takimi me aksionarë se celulari i ardhshëm i Apple do të përmbajë veçorinë e mbushjes me Wireless, transmeton Gazeta Express.
Nikkei Asian Review po raporton gjithashtu se furnizuesi i Apple – Largan Precision – ka thënë se celulari i ardhshëm i Apple do të ketë një kamerë 3D me lente të ndjeshme e cila do të bëjë gjithashtu që celulari të hapet me fytyrë.
