Ish-drejtori i CIA-s, John Brennan, ka thënë sot se ishte e qartë verën e kaluar se Rusia po tentonte të ndërhynte në zgjedhjet presidenciale në SHBA, dhe se ai e kishte paralajmëruar shefin e shërbimit sekret të Rusisë, FSB, se një ndërhyrje e tillë do t’i dëmtonte marrëdhëniet e Moskës me Uashingtonin.
“Të gjithë duhet ta kenë të qartë se Rusia ka ndërhyrë në mënyrë të pacipë në zgjedhjet presidenciale 2016, dhe ata i ndërmorën këto aktivitete përkundër protestave të fuqishme dhe paralajmërimeve eksplicite nga ne që të mos e bëjnë një gjë të tillë,” ka thënë Brennan në dëshminë e tij para Komitetit të Inteligjences të DHomës së Përfaqësuesve të SHBA-së, transmeton Express.
Brenna ka thënë se beson se ai ishte zyrtari i parë amerikan që e ngriti çështjen e ndërhyrjes në zgjedhjet amerikane me një zyrtar rus, duke u thirrur në një takim që kishte më 4 gusht të vitit 2016 me shefin e FSB-së, Alexander Bortnikov.
Brenna shtoi se më pas e kishte informuar presidentin e atëhershëm Barack Obama dhe zyrtarë të tjerë të rëndësishëm, dhe se e kishte diskutuar këtë çështje edhe me liderët demokratë dhe republikanë të Senatit Amerikan në gusht dhe shtator të vitit të kaluar.
Në janar të këtij viti, agjencitë e inteligjencës amerikane erdhën në përfundim se Moska kishte tentuar që t’i anojë zgjedhjet presidenciale të nëntori në favor të republikanit Donald Trump, përfshirë duke e hakeruar serverin dhe publikuar emailiat e zyrtarëve të lartë demokratë.
Moska vazhdon t’i mohojë këto akuza./Express/
