Nora Gjakova është kualifikuar në mesin e 16 më të mirave në kategorinë 57 kilogramë
Xhudistja kosovare, Nora Gjakova, ka kaluar me sukses pengesën e parë në rrugën drejt medaljes olimpike.
Nora është kualifikuar në mesin e 16 më të mirave pasi eliminoi në rrethin e parë kolumbianen Yadinys Amaris. Gjakova triumfoi me ippon, përkatësisht me rezultat 100-0.
Në rrethin tjetër që pritet të nis pas pak minutash, Gjakova do të përballet me rumunen Corina Caprioriu.
Xhudistja rumune është 30 vjeçare, shtatë vjet më e vjetër se Nora Gjakova, dhe në Lojërat Olimpike të Londrës ka fituar medaljen e argjendtë.