“Nuk ishin nën vëzhgimin tonë. Policia nuk ka pasur dijeni, nuk ishte në dorën tonë”.
Është kjo përgjigja e ministri të Brendshëm Fatmir Xhafaj në lidhje me tre ish zyrtarët e lartë të policisë në qarkun e Vlorës të cilët tashmë janë shpallur në kërkim pas akuzave që rëndojnë mbi ta për lidhe me trafikun e lendeve narkotike që bënin fisi Habilaj në këtë qark.
” SHÇBA i mori faktet në 22 nëntor nga Prokuroria. Në Shqipëri ka shumë grupe kriminale”, u shpreh ministri.
Duke iu përgjigjur akuzave se operacioni është dekonspiruar nga policia, Xhafaj theksoi se duhet të pyetet Prokuroria që të japë përgjigje se me kë institucion i ka ndjekur ata.
“Nuk kemi pasur dijeni. Tre ish-punonjësit e policisë nuk kanë qenë në vëzhgim nga Policia. Duhet të pyesni Prokurorinë se me kë i ka pasur në vëzhgim, jo me policinë”, u shpreh Xhafaj.
“Nuk kam emra konkretë për dekonspirimin. Të arrestohen ata që kërkohen”, shtoi Xhafaj.
Ndërkohë që policia ka shpallur në kërkim ish kreun e policisë së Vlorës, Jaeld Çelën, ish shefin e krimit të organizuar në Vlorë, Gjergj Kohila si dhe ish kreun e postës së kufirit në Dhërmi, Sogol Boden si persona që kanë qenë në dijeni për trafikun e drogës që bënin Habilajt. /Gazeta Express/