Vetëm disa muaj pas themelimit të Qeverisë së re të Maqedonisë përmes koalicionit të partisë së Zoran Zaev, LSDM dhe BDI-së, vjen vendimi me dënime rekorde për shqiptarët e të ashtuaquajturit “Grupi i Kumanovës”.
Gjykata Themelore e Shkupit ka dënuar me gjithsej 746 vjet burg pjesëtarët e grupit të Kumanovës, të akuzuar për terrorizëm për luftimet e 9 dhe 10 majit të vitit 2015. Për veprën terrorizëm ishin akuzuar gjithsej 37 persona, prej të cilëve 7 janë dënuar me burg të përjetshëm.
Të dënuarit me burgim të përjetshëm janë: Andi Krasniqi, Dem Shehu, Fadil Fejzullahu, Nasuf Zeqiri, Valdet Zekaj, Bek Bajra dhe Fejzulla Rushitovski. Trembëdhjetë janë dënuar me nga 40 vjet burg, 6 me nga 20 vjet burg, kurse të tjerët me nga 18 e më poshtë. 4 persona janë liruar si të pafajshëm.
Shumica e të dënuarve janë shtetas të Kosovës, të cilët edhe llogaritët si organizatorët të ngjarjeve tragjike në Lagjen e Trimave në Kumanovë. Në luftimet dy ditore ishin vrarë 8 pjesëtarë të forcave policore dhe 10 pjesëtarët të grupit të armatosur në mesin e të cilëve edhe dy ish-komandantë të UÇK-së, Mirsad Ndrecaj dhe Beg Rizaj.