Lajmin se Armarda Toska është shtatzënë për herë të dytë, e ndau me publikun Ermal Mamaqi, i cili me anë të një fotografi ku shfaqej me gruan tregoi se janë në pritje të fëmijës së dytë.
Kurioziteti ka qenë shumë i madh se çfarë gjinie është foshnja që do të vijë në jetë.
Një gjë të tillë tashmë e ka bërë publike vet moderatorja e njohur, Ami, e cila tashmë është edhe një sipërmarrëse e suksesshme.
E pyetur nga emisioni Thumb për përrallën e Rapunzel, Ami u përgjigj:
“Kur të na vijë në jetë goca, atëherë do t’i njohim të gjitha historitë e princeshave”.
Kjo ka lënë të kuptohet se çifti i famshëm nga Shqipëria do të bëhen prindër të një vajze.
Ami dhe Ermali tashmë janë prindër të një djali dhe ai së shpejti do të bëhet me motër.