Një kirurg në Florida të Shteteve të Bashkuara, është filmuar me telefon mobil duke bërtitur dhe sharë një paciente e cila po priste në korridorin e spitalit.
Pacientja Jessica Stipe ishte lodhur nga pritja e gjatë në Gainesville, pasi që ishte shumë e sëmurë dhe vazhdimisht villte në “shportën e mbeturinave”, transmeton Telegrafi.
Ajo është konfrontuar me mjekun Peter Gallogly, të cilit i thotë se kishte caktuar termin në orën 6:30 dhe se tani ka kaluar ora 7:45, derisa gjithë këtë situatë të pakëndshme e kishte filmuar me telefon e bija e saj.
Lidhur me këtë incident Gallogly është prononcuar për media, duke thënë se videoja ishte edituar dhe fjalët e tij janë nxjerrë nga konteksti.
Në video ai shihet duke iu drejtuar me zë të lartë Stipes: “Dëshiron të kontrollohesh apo jo?”. Derisa ajo i përgjigjet se dëshiron të shkoj në shtëpi dhe të shtrihet.
Ai më pas i kundërpërgjigjet: “Në rregull pra, dilni jashtë, merrni paratë e juaja dhe dilni jashtë”.
Por, kur bija e saj i drejtohet mjekut duke i thënë se po e filmon dhe e pyet se si e ka emrin, ai reagon ashpër duke ia marrë me forcë telefonin.
Lidhur me rastin janë prononcuar edhe policia, të cilët kanë bërë të ditur se janë duke hetuar rastin pa publikimit të videos.