Presidenti i Turqisë, Recep Tayyip Erdogan, i ka akuzuar sot politikanët gjermanë për populizëm, pasi kancelarja gjermane Angela Merkel tha se do të kërkonte ndërprerjen e bisedimeve të Ankarasë për anëtarësim në Bashkim Evropian.
Megjithatë, Erdogan shpreson se marrëdhëniet e tensionuara me Gjermaninë do të përmirësohen.
“Ne shpresojmë se do të marrë fund kjo atmosferë problematike e cila i ka bërë marrëdhëniet Turqi-Gjermani viktimë të këtij horizonti të ngushtë politikë,” ka thënë zëdhënësi i Erdoganit, Ibrahim Kalin, transmeton Express.
Komentet që Merkel i bëri dje sinjalizojnë për një ndryshim të papritur në qëndrimin e saj rreth anëtarësimit të Turqisë në BE.
Liderja gjermane i bëri këto komente mbrëmë gjatë një debati televiziv para zgjedhjeve nacionale të 24 shtatorit në Gjermani.
