Shtëpia e Bardhë e ka mbrojtur reagimin e presidentit Donald Trump ndaj dhunës vdekjeprurëse gjatë një tubimi të supermacistëve të bardhë në Virginia, midis kritikave se presidenti nuk i kishte dënuar në mënyrë eksplicite grupet e ekstremit të djathtë.
Por, një zëdhënës i Shtëpinë së Bardhë ka thënë se dënimi i Trumpit i ka përfshirë edhe supermacistët e bardhë, transmeton Express.
Një grua u vra të shtunën kur një makinë e shtypi turmën e protestuesve kundër tubimit të supermacistëve në Charlottesville.
Nëntëmbëdhjetë persona të tjerë u lënduan në këtë incident, ndërsa 15 të tjerë u lënduan në përleshje të ndara që lidheshin me marshin e djathtistëve të shtunën në mbrëmje.
Trump tha dje se shumë palë janë fajtore për përleshjet e dhunshme mes protestuesve dhe supermacistëve të bardhë në Virgjinia. Trump pretendoi se urrejtja dhe fanatizmi i transmetuar nëpër vend i ka rrënjët e vendosura shumë kohë para pushtetit të tij politik.
“Ne e dënojmë fuqishëm këtë shfaqje skandaloze të urrejtjes, fanatizmit dhe dhunës, për të cilën faj kanë shumë palë. Ka shumë kohë që po ndodh në vendin tonë. Jo nga [koha] e Trumpit. Jo nga [koha] e Barack Obamas. Por, është duke ndodhur që një kohë shumë, shumë të gjatë,” ka thënë Trump./Express/