Shefi i Kombeve të Bashkuara, Antonio Guterres, ka thënë se është shumë i “pikëlluar”, pas lajmit se kontrabandistët i kanë hedhur rreth 300 emigrantë në ujërat e bregdetit në Jemen, në dy incidente, gjatë dy ditëve të fundit.
Të paktën 56 emigrantë janë gjetur duke luftuar me vdekjen në këtë incident, derisa dhjetëra të tjerë janë ende të zhdukur.
Kontrabandistët, pas zbulimit të anijeve, i kanë hedhur nga varkat e tyre në ujë, rreth 180 emigrantë nga Etiopia dhe Somalia, gjatë ditës së enjte, një ditë para se të bënin të njëjtën gjë edhe me 120 persona të tjerë.
Shumica e emigrantëve kanë qenë të rinj, që po kërkonin punë në vendet e Gjirit Arab.
Organizata Ndërkombëtare për Migrim (IOM), ka thënë se nga incidentet, disa nga të identifikuarit kanë qenë të vdekur, disa të gjallë, në plazhet e Jemenit.
Guterres ka bërë thirrje për aksion ndërkombëtar për të ndaluar kontrabandistët dhe për të kërkuar rrugë ligjore për emigrantët.
Agjencia për Migrim ka thënë se mesatarisht, 55,000 emigrantë janë larguar nga Afrika për në Jemen, vetëm nga fillimi i këtij viti.