Kastriot Islami dhe Asllan Dogjani dy ish- deputetë të PS-së sot kanë hedhur votën për kreun e ri të Partisë Demokratike.
Ish- socialistët kanë votuar në selinë qendrore të PD-së, ndërsa vlen për tu theksuar se dy deputetët nuk u vendosën në lista nga Lulzim Basha për zgjedhjet e 25 qershorit.
Prej orës 8:00 në 68 qendra votimi në mbarë vendin ka nisur procesi për zgjedhjen e kryetarit të ri të PD-së.
Rreth 104 mijë anëtarë kanë të drejtën e votës.
Fillimisht rreth orës 10:00 ishte kandidati Eduard Selami që votoi në selinë qendrore, ndërsa u shpreh për mediat se gara ka qenë e pabarabartë edhe pse demokratët do të dinë të zgjedhin.
