Një grua në Librazhd ka humbur jetën teksa ka qenë duke kullotur bagëtitë.
Ngjarja e rëndë mësohet se ka ndodhur në fshatin Shqiponjë, gjatë pasdites së ditës së djeshme. Ndërkohë ajo është identifikuar si shtetasja me iniciale L.K, 66-vjeç, shkruan shekulli.
Nga hetimet e kryera rezulton se e moshuara, duke kullotur bagëtitë, është goditur me brirë në kokë nga një kafshë pune, i llojit dem, dhe më pas ka vdekur.
Për shkak të dëmtimeve të marrë, 66-vjeçarja ka gjetur vdekjen e menjëhershme, ndërkohë që materialet për këtë rast i kanë kaluar prokurorisë së Elbasanit për ndjekje të mëtejshme.