Kryetari i Partisë Fjala, Gëzim Kelmendi, është deklaruar pas numërimit të mbi 90 për qind të votave të zgjedhjeve të 11 qershorit. Lideri i Fjalës, që mori vetëm 1 për qind të totalit apo 6 mijë vota dhe që nuk arrin të futet në Kuvend, ka thënë se në numërim ka pasur mashtrime dhe se votat për partinë e tij janë shpallur si vota të pavlefshme.
Ky është shkrimi i tij në Facebook:
Faktet flasin vet!
– Na mohuat padrejtësisht të kemi komisioner për ruajtjen e votës tonë.
– 50 mijë fletëvotime të pavlefshme.
Kjo tregon qartë qëllimin e juaj.
Ju e dëmtuat Partinë FJALA që garoj me njerëz me vlera dhe vullnet të pastër.
-Në vitin 2010 kur askush nuk më njihte, fitova i vetëm mbi 4 mijë vota.
– Në vitin 2014 fitova i vetëm mbi 10 mijë vota.
-Tash së bashku me 109 kandidat të tjerë na ” dolën ” rreth 6 mijë vota.
A mendoni se ju besojmë, a mendoni se pajtohemi?
Ju me strategjinë e juaj profesionale zhvleftësuat mbi 50 mijë votat tona duke i bërë të pavlefshme.
Kjo dëshmon edhe njëherë se sa është i zhytur vendi ynë në krim të organizuar dhe korrupsion.
Por një gjë dijeni, se nuk mund ta ndalni kurrë vullnetin e këtyre djemve dhe vajzave që të punojnë për popull dhe shtet.
Ne nuk jemi si ju.
Ne nuk i dëmtojmë të tjerët.
Ne prapë do të kthehemi edhe më fuqishëm.