Goran Zhivaleviq dy orë ka qenë në Kuvend më 27 prill, gjegjësisht në të enjten e përgjakshme, informojnë nga Ministria e Punëve të Brendshme, transmeton Gazeta Express.
“Prokuroria Themelore Publike Shkup ka njoftuar në lidhje me përcaktimin e pranisë së një të huaji në Kuvend, e cila ka të bëjë me dy vepra penale “pjesëmarrje në një turmë që kryen vepër penale” dhe “pjesëmarrje në turmë që pengon personin zyrtar në kryerjen e detyrave zyrtare” . Nga shqyrtimi i videos së dorëzuar është konstatuar se bëhet fjalë për G.ZH. qytetari serb”, thonë nga MPB-ja.
Po ashtu, është konstatuar se personi në fjalë në periudhën kohore prej 22:04 deri 00:11 minuta ka qenë i pranishëm brenda Parlamentit./Gazeta Express/