Whatsapp është një aplikacion shumë popullor për komunikime. Në vazhdim Express sjell disa veçori që shumë pak përdorues i përdorin në këtë aplikacion.
Krijoni një listë ku mund të transmetoni mesazhe (Broadcast List)
Whatsapp mundëson krijimin e grupeve ku ju mund të komunikoni me ekipin, familjen apo ndonjë grup tjetër interesi, por kur dëshironi të dërgoni një njoftim pa filluar diskutimet në chat atëherë përdorni Broadcast List.
Në Android zgjidhni Chats dhe më pas shtypeni Meny (tri pika) dhe zgjedh New broadcast. Në iOS në pjesën lartë tek dritarja e Chat e gjeni opsionin New broadcast.
Krijimi i shkurtesave për chat në dritaren kryesore të telefonit tuaj
Ky opsion është i mundur vetëm tek pajisjet Android. Thjeshtë mbajeni gishtin mbi kontaktin të cilin dëshironi ta keni në dritaren kryesore dhe pastaj hapet një meny ku duhet të shtypni opsionin Add chat shortcut.
Njoftime të personalizuara
Përdoruesit e iOS duhet të hyjnë tek Contacts, zgjedh kontaktin dhe më pas ju shfaqet Custom Notification. Në Android tek Contacts, zgjedh kontaktin pastaj shtyp meny (tri pika) pastaj View Contact dhe pas kësaj shfaqet Custom notifications.
Ndaleni ruajtjen automatike të fotove
Në përdoruesit e iPhone hapësira është shumë e kufizuar dhe ruajtja e fotove të Whatsapp në galerinë e fotove zë hapësirë të panevojshme. Për ta ndalur këtë shkoni në Settings, pastaj Privacy, pastaj Photos dhe pastaj ndale Whatsapp.
Ndaleni konfirmimin për leximin e mesazheve
Nëse dëshironi ti shmangeni “E ke lexuar mesazhin tim, pse nuk përgjigjesh?” atëherë ndaleni konfirmimin për lexim mesazhesh. Këtë mund ta bëni duke shkuar në Account, pastaj Settings, pastaj Privacy. Këtu mund të ndalni dërgimin e konfirmimit për lexim mesazhesh (Read receipts).
Përdoreni Whatsapp në PC
Nëse jeni duke punuar me PC, ju mund ta përdorni Whatsapp përmes shfletuesit të internetit si Firefox, Mozilla etj. Mjafton që në pajisjen tuaj mobile të hapni Whatsapp, pastaj Settings pastaj Whatsapp web. Pasi që keni hapur Whatsapp web shkoni në PC dhe hapeni web.whatsapp.com dhe skanoni QR kodin nga pajisja juaj mobile.
Ndërroni numrin e telefonit
Nëse keni ndërruar numrin e telefonit për çfarëdo arsye Whatsapp ju mundëson që ti transferoni të gjitha të dhënat pa pasur nevojë që të njoftoni kontaktet tuaja se keni ndërruar numrin e telefonit. Këtë mund ta bëni duke hapur Whatsapp, pastaj hapeni Settings, pastaj Account dhe aty keni opsionin Change number. Këtu do ju kërkohet numri i vjetër dhe numri i ri për verifikim. Gjithashtu ju mund të ruani të gjitha bisedat duke shkuar në Settings, pastaj Chats and callas dhe pastaj Back up chats.
Si të shkruani me tekst të theksuar (Bold)
Për të shkruar me tekst më të theksuar (Bold) thjesht para dhe pas fjalës apo fjalisë vendoseni simbolin asterisks (*). Për shembull, *ky tekst është bold*.
Si të shkruani me tekst të pjerrët (Italic)
Për të shkruar me tekst të pjerrët (Italic) thjesht para dhe pas fjalës apo fjalisë vendoseni simbolin ( _ ). Për shembull, _ky tekst është italic_.
Si të shkruani tekst me vijë në mes
Për të shkruar me tekst me vijë në mes thjesht para dhe pas fjalës apo fjalisë vendoseni simbolin (~). Për shembull, ~ky tekst është me vijë në mes~.