Një video e publikuar nga kryeministri, Edi Rama gjatë inspektimit në spitalin e Shkodrës, është kthyer në objekt debati në profilin e tij sot kur një 16 vjeçare ka humbur jetën pikërisht nga një pakujdesi e mjekëve.
“Kush ka sy le të shikojë dhe le ta mendojë ku ishim 3 vjet e gjysmë me parë, edhe pse kemi ende shumë, më shumë punë për të ndërtuar Shëndetësinë Që Duam, për Shqipërinë Që Duam me Shtet, Punë e Mirëqenie”, shkruan Rama. Kaq ka mjaftuar dhe qytetarët të lëshojnë një lumë kritikash pikërisht sot që për shkak të mjekëve humbi jetën një 16 vjeçare në Tiranë.
