Përzgjidhen finalistët e çmimit ‘Kadare 2017’

Fituesi i çmimit “Kadare 2017” për letërsinë shqipe do të shpallet gjatë Ditëve të Razmës në fund të majit mes gjashtë autorëve finalistë që u përzgjodhën dje nga juria.

Juria e çmimit “Kadare” në letërsi, një çmim prej 10 mijë euro që akordohet nga Instituti Evropian Pashko me mbështetjen e Universitetit Evropian të Tiranës, ka ngushtuar listën e konkurrentëve, dy javë para vendimit për fituesin.

Juria u mblodh dje, ku katër anëtarët e saj, Ylljet Aliçka, Mirela Oktrova, Ledia Dushi dhe Agim Baçi dhe kryetari i jurisë, shkrimtari Bashkim Shehu, në video-konferencë nga Spanja, pas diskutimeve dhe një votimi të fshehtë arritën të ngushtonin listën e finalistëve me 6 autorë nga 36 autorë që konkurruan këtë vit me dorëshkrimet e tyre. Lista e autoreve dhe titujt e veprave mes të cilëve do të zgjidhet fituesi janë:

Musa Ramadani – Profeti nga Praga (roman) Virion Graçi – 800 hapa larg Veneres (roman Arben Kastrati – I dashuri unë (roman) Mimoza Ahmeti – Tutori (roman) Ardian Haxhaj – Vegim (roman) Brajan Sukaj – Viti i Elefantit (roman) Ledia Dushi, koordinatore e çmimit Kadare, duke folur mbi punën e jurisë dhe prurjet e këtij viti në konkurrim tha se “në fazën e parë u përzgjodhën 36 vepra nga të cilat 7 vepra ishin nga autore femra, shkruan mapo. Pas votimit të fshehtë të jurisë u selektuan 6 autorë, disa prej tyre të njohur tashmë dhe autorë të rinj në letërsinë shqipe”. Çmimi i madh do të shpallet gjatë ditëve letrare të Razmës, që mbahen më 26-27 -28 maj. Këtij evenimenti këtë vit i bashkëngjitet edhe konferenca shkencore për letërsinë, me temë “Kujtesa dhe letërsia”, organizuar nga Departamenti i Komunikimit dhe Marrëdhënieve për Publikun në UET.

Temat
Art

Të afërta

  • Bujarija dhe Refugjatët: Kosovarët në Mërgim

    Bujaria dhe Refugjatët: Kosovarët në Ekzil (Brill, Maj 2018) është një vepër historie që studion kontekstet politike dhe sociale që refugjatët Kosovarë i ndeshën kur lëshuan atdheun e tyre...
  • Ilir Shaqiri promovon librin “Adem Jashari”

    Shumë këngë ia kushtoi Adem Jasharit. E për komandantin legjendar, Ilir Shaqiri shkroi edhe libër. Të hënën në akademinë letrare të organizuar nga lidhja e shkrimtarëve ky promovoi poemën...
  • Vdes këngëtari Nijazi Bytyqi

    Muzikës shqiptare iu largua nga kjo botë një këngëtar i njohur. Bëhet fjalë për këngëtarin Nijazi Bytyqi, i cili ndërroi jetë në moshën 72 vjeçare, shkruan lajmi. Bytyqi ishte...
  • Shuhet aktori i njohur shqiptar!

    Ka ndërruar jetë në moshën 66-vjeçare si pasojë e një sëmundjeje të rëndë aktori dhe regjisori i njohur shqiptar, Lisenko Malaj. Vitet e fundit ai ka jetuar në Itali....