Policia britanike e ka arrestuar një person të dyshuar pas një incidenti në Whitehall, afër Parlamentit të Britanisë së Madhe.
Pamjet nga vendi i ngjarjes tregojnë disa thika të ndryshme në tokë, afër të dyshuarit që u kapë nga policia britanike, transmeton Express.
Policia Metropolitane ka thënë në një komunikatë se nuk ka të lënduar në incident i cili ndodhi afër kryqëzimit të rrugës së Parlamentit dhe Urës Westminster.
Ky incident vjen një muaj pas sulmit që la të vdekur pesë persona afër Parlamentit.
Masat e sigurisë mbesin të rrepta jashtë ndërtesave të Whitehall pas sulmit terrorist të 22 marsit.