Qeveria e Serbisë e ka emëruar ish-ministrin në Qeverinë Mustafa, Ljubomir Mariq, si ndihmësdrejtor të Zyrës për Kosovën, i është thënë agjencisë Tanjug nga kjo zyrë.
Ai do të merret me krijimin e Asociacionit të Komunave Serbe dhe koordinimin e vetëqeverisjes lokale në Kosovë, njoftoi Zyra për Kosovën, raporton B92.
Mariq, si përfaqësues i “Listës Serbe”, ishte ministër i Pushtetit Lokal në institucionet e Kosovës, ndërsa në mes të dhjetorit të vitit të kaluar është shkarkuar nga kryeministri i Kosovës, Isa Mustafa.
Ai ishte edhe koordinator i Ekipit Menaxhues për themelimin e Asociacionit të Komunave me shumicë serbe.