Dubai është duke synuar që të bëhet qyteti i parë në botë që të ketë dronë për pasagjerë, shkruajnë mediat e huaja, përcjell Telegrafi.
Autoritetet e këtij qyteti kanë thënë se ata janë në rrugën e duhur për të nisur me këtë “shërbim” deri në korrik të këtij viti.
Siç bëjnë të ditur mediat e huaja, udhëtimi do të mund të realizohet duke përdorur një ekran me prekje për të zgjedhur një destinacion paraprakisht.
Gjithashtu thuhet se pasagjerët do të jenë në gjendje të udhëtojnë me këtë pajisje deri në 30 minuta, me një shpejtësi prej rreth 100kph (60mph).
Gjithsesi, thuhet se të gjitha këto do të jenë të kontrolluara nga një qendër e kontrollit me bazë në tokë. /Telegrafi/