Komuna e Prishtinës së bashku me kompanitë nga BERZH, Mott MacDonald dhe Grant Thornton, po përgadisin planin e qëndrueshëm të lëëvizshmërisë urbane në kryeqytet.
Me këtë plan synohet identifikimi i problemeve në trafikun urban që qytetarëve të kryeqytetit tu sigurohet një lëvizje më e lehtë, dhe të sigurohet një transport publik modern.
Ky plan do të bëhet me përfshirjen e qytetarëve dhe grupeve të interesit në procesin e vendimmarrjes, zbatimit dhe vlerësimit. Do të përfshihet një gamë e gjerë e grupeve të interesit në qytet, si për shembull të rinjtë, lagjet e qytetit dhe komuniteti, sektori i biznesit, dhe ekspertët e fushës.
Deri në fundin e verës së këtij viti, studimi nga komuna do të bazohet në këto pika kryesore:
– Kuptimi i problemit të lëvizshmërisë urbane dhe sfidat e qytetit – do të bëhen 3000 anketa ashtu që ta kemi pikëpamjen e qytetarëve në këtë fushë, dhe ky process fillon në muajin Shkurt; – Ndërtimi i një vizioni të ri për lëvizshmërinë urbane dhe kornizën me politike mbështetëse; – Identifikimi i zgjidhjeve të lëvizshmërisë urbane dhe propozimet për qytetin; – Zhvillimi i SUMP-it, me një plan të veprimit për secilën fazë; – Konsolidimi i instrumenteve për monitorim dhe vlerësim të planit në vazhdimësi.