Teksa netët zgjaten dhe temperaturat ulen, shumë prej nesh do të duronin motin e ftohtë e do të prisnin me padurim për muajt e ngrohtë.
Por një sindromë e rrallë nënkupton se i ftohti mund të jetë tmerrues për Pat Owers. 76 vjeçarja, mësuese e dalë në pension nga Essex, është alergjike ndaj të ftohtit.
Sindroma njihet si urtikaria e ftohtë, që përbën një deri në tre përqind të rasteve të urtikarisë.
Owers u prek nga sëmundja pasi kishte një reagim të pafavorshëm e ekstrem ndaj një vaksine që iu bë kur ishte vetëm pesë vjeç. Që atëherë çdo kontakt që ajo kishte më të ftohtin i shkaktonte urtikari në të gjithë trupin.
“Vitet e rinisë ishin të tmerrshme. Sa herë i ftohti më prekte lëkurën mbulohesha me shenja të kuqe që më kruheshin. Dukej sikur kisha një trup të mbështjellë me fluska. Duart dhe këmbët më mpiheshin tërësisht e më kruheshin. Kjo zgjaste për rreth 30 minuta derisa ngrohesha,” tha Owers për Independent.
“Është diçka me të cilën jam rritur. Besoj se jam mësuar me të tashmë,” shton Pat.
