17:14, 8 Nëntor 2016 456 Shpërndarje
Qendërmbrojtësi turk, i cili aktualisht luan për Bayer Leverkusenin, Omer Toprak, është larguar nga lista e lojtarëve të ftuar nga Fatih Terim për ndeshjen Turqia-Kosova.
Mediat turke pak më parë kanë raportuar se lojtari nuk do të mund të jetë i gatshëm për ndeshje ndaj Kosovës për shkak të lëndimit dhe 27-vjeçari është larguar nga kampi i reprezentacionit.
Toprak ka qenë pjesë e 11-shes së parë të Turqisë në dy ndeshjet e fundit kualifikuese për Kampionatin Botëror “Rusia 2018” ndaj Islandës dhe Ukrainës.
Kujtojmë se Turqia dhe Kosova do të luajnë 12 nëntor (e shtunë) me fillim në ora 18:00 në stadiumin e klubit të Antalyasporit.
