Policia në Iowa të Shteteve të Bashkuara njofton se e ka arrestuar një të dyshuar për vrasjen e dy oficerëve të policisë në stil prite. Policia po e kërkonte Scott Michael Greene, një 46-vjeçar nga Urbandale, në rrethinë të Des Moines, përcjell Express.
Oficeri i parë u gjet i vrarë në Urbandale në orën 1.06 të mëngjesit të mërkurën. Oficeri i dytë u gjet 20 minuta më vonë disa blloqe më tej. Të dy oficerët janë gjetur të vrarë ulur në makinat e tyre patrulluese.
Motivi i sulmit mbetet i paqartë.
Por, një video mobili e postuar në emër të Greene në tetor, shfaq një person duke iu ankuar policisë se një grup zezakësh e kishin goditur dhe ia kishin marrë flamurin e Konfederatës, të cilin po e mbante gjatë një ngjarje sportive shkollore.
Flamuri i Konfederatës konsiderohet shumë si simbol i skllavërisë.