Komuna e Fushë Kosovës dhe Ministria e Infrastrukturës ende nuk kanë bërë zgjidhje për banorët e fshatit Vragoli, të cilët po protestojnë për ndërtimin e një mbikalimi ose nënkalimi në autostradë.
Banorët e fshatit Vragoli për të dytën herë kanë bllokuar magjistralen Prishtinë-Pejë, në shenjë proteste për dy viktimat që janë shkaktuar në këtë pjesë.
Banorët paralajmërojnë se do ta bllokojnë këtë rrugë çdo javë, deri në marrjen e këtyre masave. Kolona e automjeteve në këto rrugë është e gjatë mbi 2 kilometra.