Dikujt ndoshta mund t’i duket si një situatë komike, por vozitësve në qendër të Kërçovës sot vështirë se u erdhi për të qeshur, pasi për dhjetëra minuta mbetën të bllokuar nga qindra dele të cilat rruga sot i çoi andej.
Në çastet kur ishin bërë këto fotografi ditën e sotme, në vendngjarje nuk u vërejt as ndokush që mund të identifikohej si pronar i deleve apo çoban i tyre, e as ndonjë polic që do të tentonte të vendosë rend në komunikacion. Kështu, delet pas një kohë në mënyrë të qetë e përfunduan pushtimin e Kërçovës.