Komuna e Gjakovës, ka njoftuar se të shtunën, do ta bllokojë për qarkullim të automjeteve pikën kufitare në Morinë.
Bllokada e rrugës, do të zgjasë nga ora 7:00 deri në ora 15:00.
“Ky bllokim do të ndodhë për shkak të aktivitetit për Maratonën e Malësisë së Gjakovës në mënyrë që t’u mundësohet kalim i pa penguar pjesëmarrësve në këtë maratonë”, thuhet në njoftimin e Komunës së Gjakovës.
Pas këtij orari qarkullimi do të jetë i hapur për lëvizje të lirë për të gjithë qytetarët e Kosovës dhe Shqipërisë.